లాలి పాట
రామా లాలీ మేఘశ్యామా లాలీ
తామరసనయన దశరథతనయా లాలీ ||రా||
అబ్జవదన ఆటలాడి అలసినావురా నీ
బొజ్జలో పాలరుగగానే నిదురబోవరా ||రా||
అద్దాల తొట్టెలో నేమో అనుమానించేవూ
ముద్దులపాపలున్నారని మురిసి చూచేవూ ||రా||
ఎంతో యెత్తు మరిగినావు యేమి సేతురా
ఇంతుల చేతుల కాకకు మేనెంతో కందునురా ||రా||
జోలపాడి జోకొట్టితే ఆలకించేవు
చాలించి మరియూరకుంటే సైగలు చేసేవు ||రా||
వెన్న పాలు ఉగ్గు నెయ్యి బాలుడ నీవు
తిన్నగా సేవించివయ్య తియ్యగ నుండు ||రా||
No comments:
Post a Comment